Blóðgjafafélag Íslands BGFÍ

The Blood Donors Society of Iceland


BGFÍ

Nafn:

BGFÍ Blóðgjafafélag Íslands

Farsími:

8930733

Afmælisdagur:

16. júlí 1981

Heimilisfang:

Snorrabraut 60, 101 Reykjavík

Kennitala:

700781-0389

Bankanúmer:

512-14-100900

Blóðgjafar á Facebook

Blóðgjafar geta nú merkt prófíl mynd sína á Facebook með merki Blóðgjafafélags Íslands með því að smella á merkið hér að neðan



Tenglar

20070610 ÓHK Alþjóða blóðgjafadagurinn

Alþjóða blóðgjafadagurinn 14. júní

Ólafur Helgi Kjartansson

NÆSTA fimmtudag, 14. júní, verður hátíðlegur haldinn Alþjóða blóðgjafadagurinn svo þakka megi blóðgjöfum um allan heim ómetanlegt framlag þeirra til heilbrigðisþjónustu í heiminum.

Alþjóða blóðgjafadagurinn (World Blood Donor Day) er haldinn til þess að heiðra blóðgjafa og þakka þeim mikilvægt framlag til heilbrigðiskerfisins.

World Blood Donor Day er sameiginlegt verkefni Alþjóða heilbrigðisstofnunarinnar (WHO), Alþjóða Rauða krossins, Alþjóðasamtaka blóðgjafafélaga (International Federation of Blood Donor Organizations), sem Blóðgjafafélag Íslands á aðild að, og Alþjóðasamtaka blóðgjafar (International Society of Blood Transfusion). Að baki greindra samtaka standa meira en 190 aðildarríki WHO, rúmlega 180 landsamtök Rauða krossins, um 50 landssamtök blóðgjafafélaga og þúsundir sérfræðinga um blóðgjafir.

Margir aðrir, eins og Rótarýklúbbar og Lionsklúbbar víða um heim, koma að verkinu ásamt heilbrigðisyfirvöldum á hverjum stað.

Blóðgjafafélag Íslands og Blóðbankinn leggja sitt af mörkum. Blóðbankinn opnar almenningi ný húsakynni sín á Snorrabraut 60 í Reykjavík. Opið er frá kl. 8 til 19. Gestum verður boðið upp á veitingar, pylsur verða grillaðar og fólki gefst kostur á að kynna sér starfsemi Blóðbankans, Blóðbankabílsins og Blóðgjafafélags Íslands.

Mikilvæg er að heilbrigt fólk á aldrinum 18 til 65 ára gefi blóð. Sérstakt fagnaðarefni er að ungum konum í hópi blóðgjafa fjölgar enn og eru orðnar um helmingur nýrra blóðgjafa. Blóðgjafir eru stór þáttur í heilbrigðiskerfinu, sem ekki má gleymast. Með því að halda daginn hátíðlegan er þeim nærri 10 þúsund virku blóðgjöfum sem leggja sitt af mörkum á Íslandi, með nálægt 15 þúsund blóðgjöfum ár hvert, þakkað fyrir mikilvægt framlag. Ungt fólk er hvatt til þess að gerast blóðgjafar enda er það gott merki um heilbrigðan lífsstíl.

Blóðbankahlaupið hefst kl. 18 sjálfan Alþjóða blóðgjafadaginn og má hlaupa, ganga og hjóla að vild. Allir velunnarar Blóðbankans og blóðgjafa eru velkomnir að taka þátt í skemmtilegri líkamsrækt og að vera í góðum félagsskap. Í þriðja sinn eru hlaupnir 3 km frá sundlaugunum í Laugardal. Hér er gott tækifæri fyrir fjölskyldur að taka þátt saman og fá allir viðurkenningu fyrir þátttöku sína í þessum skemmtilega leik og fá að auki frítt í sund. Hreyfing líkamsræktarstöð ætlar gefa gestakort í ræktina fyrir fullorðna og börn fá glaðning. Drykkir verða boðnir á staðnum.

Til hamingju með blóðgjafadaginn íslenzkir blóðgjafar og þakkir fyrir ómetanlegt, sjálfboðið og óeigingjarnt framlag ykkar.

Höfundur er formaður Blóðgjafafélags Íslands og sýslumaður á Selfossi.